پاکستان مسلم لیگ (ن) کے سینئر رہنما و وفاقی وزیر پروفیسر احسن اقبال کے بیٹے احمد اقبال چودھری پبلک اکاؤنٹس کمیٹی پنجاب کے بلا مقابلہ چئیرمین منتخب ہوگئے۔ یاد رہے کہ احسن اقبال کے بیٹے احمد اقبال بھی فارم ٤٧ کے جیتے ہوۓ ممبر صوبائی اسمبلی ہیں۔
احمد چوہدری 21 اپریل کو ضمنی الیکشن میں حلقہ پی پی 54 ظفروال سے ممبر صوبائی اسمبلی منتخب ہوئے تھے۔ احمد کی تعیناتی کا نوٹیفیکشن جاری کیا گیا۔
پنجاب اسمبلی کی پبلک اکاؤنٹس کمیٹی(تھری) اور قائمہ کمیٹی برائے خزانہ کے چیئرمین کے انتخابات کے لئے اجلاس میں ممبر صوبائی اسمبلی محسن ایوب خان قائمہ کمیٹی برائے خزانہ کے چیئرمین منتخب ہوئے۔
انتخابی عمل مکمل ہونے پر اسمبلی سیکرٹریٹ نے باقاعدہ نوٹیفکیشن جاری کر دیا، سیکرٹری جنرل چودری عامر حبیب نے قائمہ کمیٹیوں کے چیئرمینوں کو نوٹیفکیشن دیئے۔