بالی ووڈ انڈسٹری کی مقبول جوڑی دیپیکا پڈوکون اور رنویر سنگھ کے ہاں ننھے مہمان کی آمد ہوئی ہے۔ بھارتی ویب سائٹس نے دیپیکا پڈوکون اور رنویر سنگھ کے گھر بیٹی کی پیدائش کی تصدیق کی ہے، رپورٹس کے مطابق جوڑے کے ہاں بچی کی پیدائش آج اتوار 8 ستمبر کو ہوئی۔
گزشتہ روز دیپیکا اور رنویر کی کچھ تصاویر سامنے آئی تھیں جو کہ ممبئی کے اے ایچ این ریلائنس اسپتال کے باہر لی گئی تھیں۔ میڈیا رپورٹس میں بتایا جارہا تھا کہ 7 ستمبر ہفتے کو دیپیکا اور رنویر اسپتال پہنچے تھے جہاں اداکارہ داخل ہوگئی تھیں۔
جوڑی کے مداحوں کو کئی ماہ سے دیپیکا اور رنویر کے والدین بننے کا بے صبری سے انتظار تھا، اب انہیں سوشل میڈیا پر مبارک باد پیش کررہے ہیں۔ دیپیکا نے ممبئی کے ایچ این ریلائنس اسپتال میں اپنے نومولود کا استقبال کیا۔
